“Барселона” молиявий жиҳатдан мураккаб вазиятда бўлгани учун янги ижрочиларини олиши ва Ла Лигада рўйхатдан ўтказиши учун таркибидаги ўйинчиларни сотиб юборишига тўғри келмоқда.
Клубларга ўз тарбияланувчисиларини сотиб соф фойда келтиради. Ана шу маънода каталонияликлар ҳам шу йўлни тутишни маъқул кўрмоқда.
“Барселона” ўз тарбияланувчси Микоил Файени Франци чемпионати вакили “Ренн”га трансфер қилди. Истеъдодли ҳимоячи францияликларга 10,3 миллион еврога тушди.
Бундан ташқари, Каталония суперклуби футболчининг кейинги трансферидан 30 фоиз улуш олади. Франция клублари ёш истеъдод эгаларининг маҳоратини ошириб, уларни катта суммага трансфер қилишга уста ҳисобланади.
Шунингдек, “Барселона” 20 ёшли сенегаллик ҳимоячини 25 миллион еврога қайта сотиб олиш ҳуқуқини ҳам сақлаб қолди.