Барибир сендан зўри йўқ экан! Супердарвозабонни ортга қайтаришади
- 19-август 2025, 16:33
- Zohir Toshxo’jayev
- 0
- Футбол
“Манчестер Юнайтед” 2023 йилда жамоани Давид де Хеа тарк этганидан кейин ишончли дарвозабон топа олмаяпти. Манчестерга келган голкиперларнинг бирортаси ўзини кўрсата олгани йўқ.
The Sun нашрининг маълум қилишича, “Манчестер Юнайтед” 34 ёшли испаниялик посбонни ортга қайтариш бўйича иш бошлади.
Манбага кўра, Давид де Хеанинг “Фиорентина” билан тузган шартномасида уни арзонлаштиришган суммага трансфер қилиш имконини берувчи банд бор экан. Манкунианлар айнан шундан фойдаланиш мақсадида италияликлар билан музокара бошлаган.
Яқинда “Манчестер Юнайтед” мавсумолди тайёргарлик жараёнида “Фиорентина” билан ўртоқлик учрашуви ўтказган эди. Ана ўша баҳсда Давид де Хеанинг ҳаракатлари Рубен Аморим бошчилигидаги мураббийлар штабига жуда маъқул келди.
Давид де Хеа 2011-2023 йиллар давомида “Манчестер Юнайтед” дарвозасини қўриқлаган. Испаниялик посбон бу вақт мобайнида жами 545 та учрашувда иштирок этиб, улардан 190 тасида гол ўтказмаган.
Тажрибали голкипер манчестерликлар сафида Англия чемпионати, Европа лигаси ва Англия кубоги соҳиби бўлган.