Бакайоко жамоадошларидан узр сўради

"Милан" клуби ярим ҳимоячиси Тьемуа Бакайоко кечаги машғулотлар чоғида қилган иши учун жамоадошларидан узр сўради. Бу ҳақда Sky Sport Italia нашри хабар бермоқда.

Ўз навбатидан футболчилар ҳам унинг бу узрини қабул қилишган. Бундан ташқари, жамоа бош мураббийи Женнаро Гаттузо ҳам франциялик футболчининг ушбу ҳаракатларини ижобий баҳолаган.

Эслатиб ўтамиз, Бакайоко жамоа машғулотларига бир соатдан ошиқроқ кеч қолгани боис 90 минг евро жаримага тортилган эди. Бундан ташқари Гаттузо айнан шу сабабли жамоа қароргоҳини 5 кунга, яъни “Болонья”га қарши ўйинга қадар ёпган эди.