Баҳрайн бош мураббийи: Ўзбекистонни яхши ўрганиб, бор кучимизни ишга солишимиз керак

Футзал бўйича Осиё кубоги давом этмоқда. Баҳрайн терма жамоаси бош мураббийи Марселино да Силва 3-турдан ўрин олган Ўзбекистон билан ўйин олдидан ўз фикрларини билдириб ўтди.

"Ўзбекистоннинг майдондаги таркиби ҳар 4 дақиқада ўзгариб туришини барча яхши билади. Аммо биз биринчи навбатда тикланишимиз лозим. Ўтган беллашувда йўл қўйган хатоларни таҳлил қилиб, рақибни яхши ўрганиб чиққан ҳолда ўйин давомида бор кучимизни ишга солишимиз керак бўлади", - деди мутахассис.

Манба: ЎзПФЛ матбуот хизмати.