Азим Аҳмедов бир қарорга келди!

Қишки селекцияда таркибини кучайтиришда давом этаётган “Навбаҳор” клуби ўзининг етакчиларини ҳам сақлаб қолишни уддалаяпти.

Жумладан, Наманган футболи тарбияланувчиси, “Навбаҳор” клубининг сардори Азим Аҳмедовнинг шартномаси якунига етганди. Футболчининг олдида таклифлар кўп бўлса-да, бир қарорга келди. Кеча клуб у билан янги келишувга эришди.

“Бир неча йиллардан буён сардор сифатида “Навбаҳор”нинг муваффақиятларига катта улуш қўшиб келаётган ярим ҳимоячи Азимжон Аҳмедов 2022 йилни ҳам “лочинлар” сафида ўтказади. У билан амалдаги шартнома муддати узайтирилди.

Маълумот учун, Азимжон Аҳмедов Coca Cola Суперлига 2021 йилги мавсумида 24 ўйинда майдонга тушиб, 2105 дақиқа тўп тепди ва ўз ҳисобига 3 та гол ёздириб қўйди”, - дея бу хусусида хабар берди, “Навбаҳор” матбуот хизмати.