Азарни бунақа пулга сотмаймиз!

Англия премьер-лигасида юқори ўринлар учун курашаётган “Вест Хэм” мутасаддилари бельгиялик ҳужумкор футболчи Эден Азарни сўраб, “Реал”га мурожаат қилди.

Маълумотларга кўра, лондонликлар бу ўйинчи учун 25 миллион евро таклиф қилган. Бироқ, “Қироллик клуби” президенти Флорентино Пересни бу сумма қониқтирмади.

Манбаларнинг хабар беришича, мадридликлар Азарни 50 миллион евродан камига қўйиб юбормоқчи эмас. Унинг амалдаги шартномаси 2024 йилнинг ёзигача давом этади.

“Реал” бельгиялик футболчини 2 019 йили 115 миллион евро эвазига трансфер қилган эди. Шунингдек, Азар Франция чемпионатида “Лилль” шарафини ҳам ҳимоя қилган.