Азар "Реал"да "Олтин тўп"ни юта оладими?

Бельгия терма жамоаси бош мураббийи Роберто Мартинес ярим ҳимоячи Эден Азар “Реал”да кўп нарсага эришиши мумкинлигини айтди.

“Эден “Реал”да “Олтин тўп”ни қўлга киритиши мумкин. Футболчи янги жамоага кўчиб ўтгач, у ерга мослашиши жуда кўп учрайди. Бу мавсум ПСЖга қарши ўйинда биз футболни яхши кўрадиган ва жамоадошлари билан яхши муносабатда бўлган Эденни кўрдик. У жамоани муваффақият сари етаклай олади”, - дейди Мартинес.

Азар “Реал” сафига ўтган йилнинг ёзида “Челси”дан кўчиб ўтган эди. У жорий мавсум Ла Лигада 10 та ўйинда майдонга тушди ва 1 та гол ҳамда 4 та голли узатмага муаллифлик қилди.