“Реал” ҳужумкор футболчиси Эден Азар мадридликлар сафини тарк этишни истамаяпти. Бельгиялик ўйинчи шартномаси якунлангунча, яъни 2024 йилнинг ёзигача “Қироллик клуби”да қолмоқчи.
Мадридликлар эса, ёзда жамоани тарк этиши керак бўлган ўйинчилар рўйхатига Эденни ҳам киритган. Улар бу ўйинчини имкон бўлса сотиб юбормоқчи. Ижарага бериш варианти ҳам клубни қониқтиради.
Азарнинг ўзи асосий таркибга кириш учун машғулотларда тер тўкиб шуғулланмоқда. Бироқ, бош мураббий Карло Анчелотти унга имкон бермоқчи эмас.
Ашар жорий мавсумда 22 та учрашувда қатнашиб, жами 877 дақиқа ўйнади. Бу вақт ичида у битта гол уриб, иккита голли пас оширди. Табиийки, бу кўрсаткич катта маош оладиган ўйинчи учун анча паст ҳисобланади.
Изоҳлар (0)
Ҳозирча изоҳлар йўқ