Аёллар терма жамоаси аъзосига жинсий зўравонлик қилган мураббий ФИФА томонидан тергов қилинмоқда
- 4-август 2023, 10:10
- Baxtiyorjon Toshtemirov
- 0
- Футбол
Замбия аёллар терма жамоаси мураббийи машғулот вақтида футболчининг кўкрагига тегиб кетган.
The Guardian нашрининг ёзишича, воқеа ўтган жума куни, аёллар ўртасидаги жаҳон чемпионати гуруҳ босқичи доирасида Коста-Рикага (3:1) қарши ўйиндан икки кун олдин содир бўлган. Терма жамоанинг бир қанча футболчилари машғулотлардан сўнг мураббий Брюс Мвапе футболчи қизнинг кўкрагига қандай текканини гувоҳи бўлишган. Улар миллий терма жамоадаги келажагидан қўрқиб, жамоаси турнирни тарк этгунга қадар бу ҳақда хабар беришмаган.
Хабар қилинишича, ФИФА делегати ва Замбия футбол ассоциацияси президенти воқеадан хабардор. Айни дамда Брюс Мвапе ФИФА томонидан тергов қилинмоқда.
“ФИФА ҳар қандай қоидабузарлик ҳақидаги айбловларни жуда жиддий қабул қилади ва бизда воқеа ҳақида хабар беришни истаган ҳар бир футболчи учун аниқ тартиб бор. Тасдиқлашимиз мумкинки, Замбия аёллар терма жамоасига нисбатан шикоят келиб тушган ва ҳозирда у текширилмоқда. Аниқ махфийлик сабаблари туфайли давом этаётган тергов тафсилотларини тақдим эта олмаймиз.
Футболдаги ҳар қандай таъқиблар ҳақида хабар бермоқчи бўлган киши буни ФИФАнинг Махфий ҳисобот платформаси орқали амалга ошириши мумкин, бунда барча маълумотлар қатъий ишончли тарзда қайта ишланади. Агар ФИФА айбдор деб топилса, энг оғир жазо чораларини қўллайди, жумладан, футболдан бир умрга четлатилади”, - деди ФИФА вакили.
Таъкидлаш керакки, жаҳон чемпионати бошланишидан олдин Брюс Мвапега қарши жинсий зўравонлик гумони билан тергов очилган эди. Замбия терма жамоаси ўйинчиларидан бири эса жамоада мураббий ва футболчилар ўртасидаги “яқин муносабатлар” одатий ҳол эканлигини айтган.