Ахмадбек Sports.uz: Абдулазиз Абдусатторов уч карра жаҳон чемпиони ёхуд ММАчиларимиздан навбатдаги медаллар!

Хабарингиз бор, айни вақтда Абу- Даби шаҳри ММА бўйича ўсмир-ёшлар ўртасида жаҳон чемпионатига мезбонлик қилмоқда. 5 август куни старт олган дунё биринчилиги қизғин паллага кирди. Қувонарлиси, Олимпиядачиларимиз каби  ўзбекистонлик ёш ММАчилар ҳам ўзларини кўрсатишга муваффақ бўляпти. Жумладан, кеча бўлиб ўтган баҳсларда 4 нафар вакилимиз шохсупадан ўрин олди.

Жумладан, Жаҳонгир Қорабоев шогирди Абдулазиз Абдусатторов 16-17 ёш тоифасида 83,9 кгда барча рақибларини мағлуб этиб, жаҳон чемпионлигига сазовор бўлди. Қизиқ жиҳати Абдулазиз ўсмир ва ёшлар тоифасида 3- бор жаҳон чемпиони бўлди. Шунингдек, 52,2 кгда Самандар Абдураҳмонов ҳам финалда тожикистонлик Давлатали Фархадини мағлуб этиб олтин медални қўлга киритди. Енгил вазн (70,3 кг ) тоифасида Илёсбек Бектурдиев ва ўрта вазн (83,9 кг) тоифасида Муҳаммед Ханлаевлар эса бронза медалига эга чиқишди. 

Шу тариқа делегациямиз ҳисобида хозирча 5 та олтин, 2 та кумуш ва 6 та бронза медали бўлди.