Аввалгидан 29 баробар қиммат! Роналду келгандан кейин "Ал-Насср" стадионида чипта нархлари "осмонга етди"

Португалиялик юлдуз Криштиану Роналду "Ал-Насср" клуби билан шартнома имзолади.

Шундан сўнг риёдликлар иштирокидаги ўйинлар учун чипта нархлари кескин кўтарилиб кетди. Яъни, "Mrsool Park" стадиони кассаларида энг арзон чипта ўртача 398.98 АҚШ долларидан сотилмоқда. Солиштириш учун аввал бу кўрсаткич 14 долларга тенг эди.

Ар-Риёд шаҳрида жойлашган ушбу ўйингоҳ ўз бағрига 25000 мухлисни сиғдира олади. "Насср" бугун Роналду иштирокида таништирув маросими ўтказишни режалаштирган.

Руди Гарсия шогирдлари айни пайтда Саудия чемпионатида пешқадамлик қилмоқда.