Австралияга қарши учрашувларда ҳозирча ноллар! (Ўйинлар тарихи)

Ўзбекистон Миллий терма жамоаси Осиё кубоги 3-тури доирасида 23 январь санасида Австралияга қарши майдонга чиқади. Ушбу баҳс гуруҳ пешқадамини аниқлаб бериши билан ўзгача аҳамият касб этади. 

Айни дамда вакилларимиз 4 очко билан "B" гуруҳида иккинчи ўринни банд этиб турган бўлса, икки ўйинда ҳам максимал очко тўплаган "яшил қитъа вакиллари" 6 очко билан квартетда биринчи поғонадан жой олган. 

Қайд этиш лозим, термамиз ҳозирга қадар ўтказилган Австралияга қарши ўйинларнинг бирортасида ғалаба қозона олмаган. 4 учрашувда, 3 мағлубият ва 1 дуранг. Эътиборли жиҳати шундаки, Ўзбекистон ҳали бу терма жамоа дарвозасига бирор маротаба ҳам йўл топа олмаган. 

Демак, 23 январь санасида бўладиган ўйин мана шу "қора анъана"га чек қўйишнинг айни вақти.