Австралия ОТЖ мураббийи: Ўзбекистон жуда ҳам яхши жамоа

Австралия ва Ўзбекистон терма жамоаларининг учрашувидан сўнг ғолиб жамоа бош мураббийи Грахам Арнольд ҳам матубот-анжуманида иштирок этиб, ўз фикрлари билан ўртоқлашди. Бу ҳақда МОҚ матбуот хизмати хабар берди.

- Бу ажойиб натижа биз учун. Ярим финалдан кейин биз ўзимизга кела олдик ва якунда яхши натижа кўрсатдик. Ўзбекистон жуда ҳам яхши жамоа. Уларнинг ўйинидан кейин футболчиларим иккинчи бўлимда анча толиқиб қолди. Ташқаридан йўлланма олишимиз осон кўрингандир. Аммо бу жуда ҳам қийин бўлганини айтиб ўтишим керак. Ўйингача шогирдларимга мазкур баҳсга тайёргарлик кўриш давомида ўзингизга ишонинг, деган фикрни сингдиришга ҳаракат қилдим. Якунда биз буни уддалай олдик ва Токио Олимпиадасига йўлланма олдик. Бундан хурсандман, – деди Грахам Арнольд.