"Атлетико" Фелишнинг нархини эълон қилди. "Барса"га бу сумма маъқул келмади

Мадриднинг "Атлетико" клуби айни дамда "Барса" сафида ижара асосида тўп тепаётган Жоау Фелишнинг нархини маълум қилди. 

Унга кўра, "матрасчилар" португалиялик вингер учун Каталония клубидан 70 миллион евро сўраяпти. "Кўк-анорранглилар" эса мазкур суммани тўлашга қодир эмас. Шу сабабдан "Барса" раҳбарияти уни яна бир мавсумга ижарага олмоқчи. 

Жоау жорий мавсум "Барса" сафида жами 30 та ўйинда майдонга тушиб, 8 та гол ва 5 та ассист муаллифига айланди.