"Астон Вилла" "Барселона" ҳужумчиси учун 60 миллион сарфламоқчи

"Барселона" ҳужумчиси Ферран Торрес Англия Премьер-лигасига қайтиши мумкин. Бу ҳақда Futbol del Sr.Destrangis хабар бермоқда.

Манбага кўра, "Астон Вилла" 25 ёшли универсал ҳужумчи учун "Барселона"га 60 миллион евродан кўпроқ таклиф қилмоқда. Инглиз клуби устози Унаи Эмери жамоанинг ҳужум чизиғини кучайтирмоқчи, раҳбарият эса бунинг учун тахминан 60 миллион евро ажратишга тайёр, бу маблағни Торресга сарфлаш режалаштирилган.

Жорий мавсумда испаниялик голеадор барча турнирларни қўшиб ҳисоблаганда 22 та учрашувда майдонга тушиб, 13 марта рақиблар дарвозасини ишғол қилди ва битта ассист муаллифига айланди.