"Арсенал" ва ПСЖ ЕЧЛ доирасидаги жавоб беллашувидан аввал ички чемпионатда бир хил ҳисобда мағлуб бўлди

Бир неча дақиқа олдин "Арсенал" ва ПСЖ клублари иштирокидаги беллашувлар ўз ниҳоясига етди 
 
"Арсенал" Англия Премьер-лигасининг 35-турида "Борнмут" билан куч синашиб, камбек қурбони қурбони бўлди (1:2). Дастлаб 34-дақиқада Деклан Райс ҳисобни очган бўлса, 67 ва 75 - дақиқаларда Дин Хёйсен ва Эванилсон икки бурчак зарбасидан унумли фойдаланган ҳолда жамоасига ғалаба келтирди. 
 
Луис Энрике бошчилигидаги парижликлар эса сафарда "Страсбур" билан тўқнаш келиб, худди тўпчилар сингари 2:1 ҳисобида имкониятни бой берди. Тўқнашувнинг 20-дақиқасида ҳисоб очилган бўлса, биринчи бўлимнинг қўшиб берилган дақиқаларида Феликс ҳисобни 2 тага етказиб қўйди. Шунингдек, иккинчи бўлимнинг аввалида Баркола ҳисобни қисқартиргандан сўнг биз ўйинда бошқа гол кўрмадик. 
 
Эслатиб ўтамиз, "Арсенал" ва ПСЖ ўртасидаги жавоб беллашуви 7 майдан 8 майга ўтар кечаси соат 00:00 да старт олиши режалаштирилган.