"Арсенал" "Интер" ҳимоячисини ўз сафига қўшиб олмоқчи

Миланнинг "Интер" клуби ҳимоячиси Федерико Димарко Англия Премьер-лигасининг топ-клубларидан бирининг қизиқишлар доирасига кириб қолди. Бу ҳақда Tuttosport журналистларига маълум қилинди.

Манбага кўра, 28 ёшли ўнг қанот ҳимоячисини Лондоннинг "Арсенал" клуби ўз сафига қўшиб олмоқчи. Димарконинг трансфер нархи 50 миллион еврога баҳоланмоқда. Ҳимоячининг амалдаги меҳнат шартномаси муддати 2027 йил июнь ойи охирида тугайди.

Федерико Италия чемпионатининг жорий мавсумида "нерадзуррилар" сафида 19 та баҳсда майдонга тушиб, 4 та гол ва 5 та голли узатмани ўз ҳисобига ёздириб қўйди. У миланликлар сафида 2018 йилдан буён тўп суриб келмоқда.