Арбелоа: "Мастантуоно — улкан салоҳиятга эга футболчи"

"Реал" бош мураббийи Альваро Арбелоа жамоанинг 18 ёшли ярим ҳимоячиси Франко Мастантуононинг ўйини ҳақида фикр билдирди.

Аргентиналик футболчи мадридликлар сафидаги дебют мавсумида барча мусобақаларда 23 та учрашувда майдонга тушиб, 3 та гол урди.

"Мастантуоно жуда катта салоҳиятга эга ёш футболчи. У қанотда ҳимоячиларни алдаб ўта олади ва марказга силжиб, тўпни назорат қилади.

У ўзининг юқори шиддати орқали жамоа ўйинига катта ҳисса қўшмоқда. Унинг янада ўсишига умид қиламиз. Кутилган даражага етиш осон эмас, чунки “Реал”да талаблар жуда юқори.

Аммо унинг ўйинини кўрганда, қандай ажойиб футболчи эканини дарҳол англайсиз. У майдонда кўрсатаётган ўйинидан жуда мамнунман", — деди Арбелоа.