Араблар Роналду "Реал"га қарши ўйнашини исташмоқда

Криштиану Роналду ҳозирча "Ан-Наср" клубидан кетиш борасида қарор қабул қилгани йўқ.

Аввалроқ ҳужумчи ижтимоий тармоқларда: "Бу боб якунланди. Тарих эса? Ҳали ёзилмоқда", — деб клубини ўзгартириши мумкинлигига ишора қилганди.

Журналист Бен Жейкобнинг маълумотига кўра, Роналду яқинда ёзган хабарига қарамай, у билан "Ан-Наср" ўртасида янги шартнома бўйича музокаралар давом этмоқда.

Баъзи Саудия Арабистонидаги нуфузли шахслар португалиялик футболчининг "Ал-Ҳилол" билан қисқа муддатли шартнома имзолашини истамоқда, бу орқали у клублар ўртасидаги жаҳон чемпионатида "Реал"га қарши майдонга туша олади. Ҳозирча Роналдунинг "Ал-Ҳилол"га ўтишни хоҳлаши номаълум.

Шунингдек, ФИФА президенти Жанни Инфантино Саудия Арабистонидан ташқари клубларни ҳам Криштиану Роналдуни мусобақага жалб этишга даъват қилган.

Роналду яқин икки ҳафта ичида якуний қарорини қабул қилиши кутилмоқда.