АПЛда офсайдни аниқлаш учун янги технология ишга туширилади

Англия Премьер-лигасида ярим автоматик офсайд технологияси ниҳоят ишга туширилмоқда.

АПЛ расмий сайтининг хабарига кўра, тизим 32-турдан, яъни 12-апрелдан бошлаб ишлай бошлайди.

Аввалига АПЛ ушбу технологияни олдинроқ жорий этмоқчи бўлган, бироқ синов жараёни чўзилиб кетгани сабабли кечиктирилган. Ярим автоматик тизим офсайдни аниқлаш жараёнини анча тезлаштиради, чунки VAR ҳакамларига чизиқлар чизиш шарт бўлмайди.

Таъкидлаш жоизки, бундай тизим Чемпионлар Лигаси учрашувларида аллақачон қўлланилмоқда.

Ҳозирда Англия чемпионати жадвалида "Ливерпуль" пешқадамлик қилмоқда ва "Арсенал"дан 12 очко олдинда бормоқда.