АПЛ. Роналдунинг голи "Манчестер Юнайтед"га 3 очко тақдим этди

Англия Премьер лигаси 10-тури доирасидаги "Эвертон" - "Манчестер Юнайтед" учрашуви якунига етди. Қизиқарли ва кескин курашлар остида ўтган беллашувда "қизил иблислар" 2:1 ҳисобида зафар қучди. 

Ўйиндаги ҳисоб майдон эгалари томонидан очилди. 5-дақиқада Алекс Ивоби узоқ масофадан гол уриб, жамоасини олдинга олиб чиқди - 1:0. 

Орадан 10 дақиқа ўтиб, МЮ ҳисобни тенглаштирди. "Эвертон"нинг майдон марказида йўл қўйган хатосидан Тен Хаг шогирдалари унумли фойдаланди ва таблодаги натижани 1:1 кўринишига келтириб қўйди. 29-дақиқада Антони Марсьял жароҳат олиб, майдонни эрта тарк этди. Унинг ўрнига Криштиану Роналду тушди ва МЮга ғалаба келтирувчи тўпни киритди. Ҳужумчи Каземиронинг ажойиб узатмасидан кейин Пикфорд дарвозасини ишғол ҳамда жамоасини ҳисобда олдинга олиб чиқди. Ўйиннинг қолган дақиқалари ҳам қизиқарли ўтди, бироқ дарвозаларга бошқа тўп киритилмади. 

Мазкур ғалабадан кейин "Манчестер Юнайтед" 15 очко билан 5-ўринга кўтарилиб олди. "Эвертон" эса 12-поғонага тушиб кетди. 

{game}3901027{/game}