АПЛ. "Манчестер Сити" Холанднинг дастлабки дақиқаларда киритган голи эвазига "Брентфорд"дан устун келди

Англия Премьер-лигасининг 24-турида Хосеп Гвардиола бошчилигидаги "Манчестер Сити" сафарда "Брентфорд" билан куч синашиб, минимал 1:0 ҳисобида муваффақиятга эришди. 
 
Учрашувни ҳал қилган, "шаҳарликлар"нинг ягона голини жамоа ҳужумчиси Эрлинг Холанд 8-дақиқада киритди. Норвегиялик форвард Йошко Гвардиолнинг пасидан сўнг ички чемпионатдаги 9-голини киритишга муваффақ бўлди.

Маълумот ўрнида, манчестерликлар ушбу ғалаба орқали очколар сонини 13 тага етказиб олиб, 5-ўрингача кўтарилди. "Брентфорд" эса 7 очко билан 16-ўринда қолди.