АПЛ ҳакамлари Каземирони илк мавсумдаёқ иккинчи марта "сийлади"

Якшанба куни "Манчестер Юнайтед" Англия чемпионати доирасида ўз майдонида "Саутгемптон"га қарши ўйин ўтказади.

Биринчи бўлимдаёқ Эрик тен Хаг жамоаси озчиликда қолди. Каземиро қўполлик учун қизил карточка олди.

Бразилиялик футболчи учун бу унинг фаолиятидаги иккинчи тўғридан-тўғри четлатилишидир. Биринчиси 4 феврал куни "Кристал Пэлас"га қарши ўйинда олганди. Шу пайтгача Каземиро фақат иккита сариқдан сўнг қизил карточка олган эди ва бу ҳам Мадридда икки марта содир бўлган.