Анри мураббийлик фаолиятини Европанинг кучли терма жамоада давом эттириши мумкин
- 11-январ 2025, 20:46
- Ali Ahmadxo’jayev
- 0
- Футбол
Тьерри Анри мураббийлик ишига қайтиши мумкин. Журналист Саша Таволиерининг хабарига кўра, 47 ёшли Анри Белгия миллий терма жамоаси бош мураббийи лавозимига асосий номзод ҳисобланмоқда. Ушбу лавозимни ҳозирда Доменик Тедеско эгаллаб турибди, аммо унинг узоқ вақт қолиши эҳтимолдан йироқ.
Таволиерининг маълумотига кўра, Белгия Қироллик Футбол Ассоциацияси Анрининг номзодини синчиклаб ўрганмоқда. Шунингдек, Эрик тен Хаг ва Марк ван Боммелнинг номлари ҳам муҳокама қилинмоқда, агар миллий жамоа бош мураббийи алмаштирилса, Анри биринчи вариант сифатида кўриб чиқилади.
Шуни таъкидлаш керакки, Тьерри Анри аввалроқ Белгия терма жамоасида Роберто Мартинеснинг мураббийлар штабида ишлаган. Француз футболчиси "қизил иблислар"нинг етакчилари, хусусан, Кевин де Брюйне ва Ромелу Лукаку билан яхши муносабатларга эга.