Англиядаги юлдуз “Реал”га ўтиш йўлини айтди

“Тоттенхэм” етакчиларидан Педро Порро ўзининг “Реал” клубига ўтиши ҳақидаги хабарларга муносабат билдирди.

Европа матбуотининг ёзишича, 26 ёшли испан футболчисига қитъанинг бир неча нуфузли клублари харидор бўлмоқда.

- “Реал”га ўтаманми? Болаликда инсон жуда кўп нарсаларни орзу қилади. Ҳозир мен ўзимга ва доимий ривожланишга эътибор қаратяаман.

Дунёнинг энг яхши жамоаларида ўйнаш учун кўплаб жиҳатларда ўзингни кўрсатишинг керак. Менимча, ҳали ишлашим керак бўлган томонлар бор. Келажакда нима бўлишини кўрамиз, - деди Педро Порро El Larguero нашри журналистларига.

Transfermarkt портали футболчининг трансфер қийматини 40 миллион евро деб баҳолайди.

Жорий мавсумда Порро “Тоттенхэм” сафида 35 ўйинда майдонга тушиб, 5 та голли узатма амалга оширган.