Англиядаги энг зўр дриблинг устаси осиёлик. Уни грандлар талашяпти
- 20-октябр 2023, 11:41
- Zohir Toshxo’jayev
- 0
- Футбол
Mundo Deportivo нашри маълумотига кўра, “Челси” келаси ёзда таркибини “Брайтон” футболчиси Каору Митома билан кучайтирмоқчи.
Чап қанот ҳужумчиси сифатида тўп тепаётган япониялик футболчи Англия Премьер-лигасида энг зўр дриблинг устаси саналади.
“Брайтон” Митомани икки йил аввал “Кавасаки” клубидан атиги 3 миллион еврога харид қилганди. Орада бир мавсум Бельгиянинг “Юнион” жамоасида ижарада ўйнаб келган футболчи қисқа фурсатда энг зўр ўйинчилар қаторига қўшилди.
Жорий мавсум барча турнирларда 11 та ўйин ўтказиб, учта гол ва тўртта ассист қайд этган Митомани “Арсенал”, “Барселона” ва “Манчестер Сити” каби грандлар ҳам ўз сафида кўрмоқчи.
Айни пайтда Митоманинг трансфер суммаси 50 миллион евро атрофида баҳоланмоқда. Унинг амалдаги шартномаси 2025 йилнинг ярмигача давом этади.