Англияда олти карра чемпион бўлган юлдузни икки гранд олмоқчи
- 29-ноябр 2025, 17:15
- Zohir Toshxo’jayev
- 0
- Футбол
Италиянинг қудратли клубларидан “Ювентус” ва “Милан” сўнгги ҳафталарда Бернарду Силванинг “Манчестер Сити”даги ҳолатини синчковлик билан кузатиб бормоқда.
31 ёшли рортугалиялик ярим ҳимоячининг клуб билан амалдаги шартномаси 2026 йил ёзида тугайди. Бу ҳақда Calciomercato хабар бермоқда.
Манбанинг маълум қилишича, айни пайтда “шаҳарликлар” португалиялик футболчи билан меҳнат шартномасини узайтиришни режалаштирмаяпти. Бироқ, Силванинг Италия грандларига потенциал ўтишига унинг йилига 10,1 миллион евро бўлган юқори маоши тўсқинлик қилмоқда.
Ярим ҳимоячи 2017 йилнинг ёзидан буён “Манчестер Сити”да ўйнаб келади. Бу давр мобайнида у олти марта Англия Премьер-лигасида ғолиб чиққан.
Transfermarkt порталидаги маълумотларга кўра, футболчининг бозор нархи 32 миллион еврони ташкил этади.