Андрей Шевченконинг ўрнини ким эгаллади?
- 18-август 2021, 11:02
- Baxtiyorjon Toshtemirov
- 0
- Футбол
Андрей Шевченко Украина терма жамоаси бош мураббийлигидан кетгач, мамлакат футбол ассоциацияси унинг ўрнига янги бош мураббий топди.
Ташкилот расмий сайтининг маълум қилишича, ушбу лавозимга Александр Петраков тайинланган. У Украина терма жамоасида бош мураббий вазифасини вақтинча бажарувчи сифатида ишлайди. Украина айнан унинг бошчилигида 2022 йилги жаҳон чемпионати саралаш босқичи ўйинларига тайёргарлик кўради.
Маълумот учун, Петраков бундан аввал Украина U20 терма жамоаси бош мураббийи сифатида ҳам муваффақиятли фаолият юритган. Унинг қўл остида ёшлар терма жамоаси жаҳон чемпионатидаги ғалабасини нишонлади.
Украина терма жамоаси Петраков бошчилигидаги илк учрашувини 1 сентябрь куни Қозоғистонга қарши ўтказади.
Изоҳлар (0)
Ҳозирча изоҳлар йўқ