"Андижон"да илк бор...
- 11-январ 2024, 15:56
- Shuhratbek Jo’rayev
- 1
- Футбол
Хабарингиз бор, кеча “Суперлига-2023”нинг энг яхши футболчиси сифатида "Андижон" жамоасининг легионери Рубин Хебай эътироф этилди. Бу барча андижонликларни қувонтиргани рост. Ушбу трансфер “Андижон”га ҳар томонлама фойда келтиргани факт.
Яна бир жиҳатга эътиборингизни қаратмоқчимиз, йилнинг энг яхшисини аниқлаш ва уни эълон қилишда иккита йўналиш мавжуд. Ўзбекистоннинг ва Суперлиганинг энг яхшиси! 2023 йилда Хебай Суперлиганинг энг яхши футболчиси, Аббос Файзуллаев эса Ўзбекистоннинг энг яхши футболчиси сифатида эътироф этилди. Чемпионатнинг энг яхшиларини аниқлаш жараёни 2018 йилдан бошлаб таъсис этилган.
Шундай экан, “Андижон” футбол клуби аъзоси миллий чемпионатларимиз тарихида илк бор энг яхши футболчи сифатида эътироф этилди. Бу борада "Бургутлар" ва Хебай ўзига хос эътирофга сазовор бўлдилар.
Қолаверса, “Андижон” бош мураббийи Александр Хомяков билан Рубин Хебай “Суперлига-2023”нинг рамзий терма жамоасидан жой олганини ҳам эслатиб қўймоқчимиз. Шунингдек, “Андижон” 2022 йили про лига ғолиблигини қўлга киритгач, клубнинг ўша пайтдаги бош мураббийи Виктор Кумиков про лиганинг энг яхши мураббийи сифатида эълон қилинган.
Чемпионатимизнинг энг яхши футболчилари:
2018 — Тьяго Безерра (Пахтакор)
2019 — Драган Черан (Пахтакор)
2020 — Жалолиддин Машарипов (Пахтакор)
2021 — Хусайн Норчаев (Насаф)
2022 — Жамшид Искандеров (Навбаҳор)
2023 — Рубин Хебай (Андижон)
“Андижон” матбуот хизмати.