"Андижон" яна бир футболчиси билан шартномани чўзди

“Андижон” клуби янги мавсум учун таркибни шакллантириш доирасида тажрибали футболчиларидан бири Сардор Азимов билан ҳамкорликни давом эттиради. Бу борада икки томон келишди ва шартнома имзоланди. Бу хусусида клуб матбуот хизмати маълум қилди.

Азимов ҳам асли андижонлик бўлиб, 2023 йилдан бери жамоа шарафини ҳимоя қилиб келмоқда. У бунгача 2019 йилда ҳам “Андижон” учун тўп сурган.

Ярим ҳимоячи ўтган йили барча мусобақаларда 35 та ўйинда қатнашди ва 1 та гол муаллифи бўлди.

Умумий ҳисобда эса у фаолияти давомида “Андижон” либосида 85 та учрашувда майдонга тушди. 4 та гол урган ва 5 та ассистни бажарган.

Эслатиб ўтамиз, бундан аввал Дониёр Абдуманнопов билан ҳам шартнома узайтирилганди.