"Андижон" сербиялик футболчини ўз сафига қўшиб олишга яқин

"Андижон" клуби Суперлиганинг янги мавсумига жиддий тайёргарлик кўрмоқда ва таркибини кучайтиришни давом эттирмоқда.

"Sports.uz" сайтининг хабарига кўра, андижонликлар сербиялик ҳимоячи Неманья Чаласан билан келишувга эришган. Трансфер тез орада расман эълон қилиниши кутилмоқда.

Маълумот учун, Чаласаннинг "Елимай" клуби билан тузган шартномаси жорий йилнинг 31 декабрида якунга етади ва у эркин агент сифатида "бургутлар" билан шартнома имзолайди. Айни пайтда 29 ёшли футболчининг Transfermarkt порталидаги бозор қиймати 700 минг евро қилиб белгиланган.