Анчелотти "Реал" машғулотларига келган Роналду ҳақида илиқ фикрлар билдирди (Фото)

Карло Анчелотти Криштиану Роналду ҳақида илиқ фикрлар билдирди. 

37 ёшли "Ал-Насср" ҳужумчиси Саудия Арабистонида "Барселона"га қарши Испания Суперкубоги финалига тайёрланаётган "Реал" Мадрид жамоасининг машғулотларига ташриф буюрди.

"Бизлардан биримиз. Криштиануга ташриф буюргани учун ташаккур", - дея ёзиб қолдирди "қаймоқранглилар" устози Роналду билан тушган суратини ижтимоий тармоққа жойлаб.  

Маълумот учун, "Барселона" ҳамда "Реал" ўртасидаги Испания Суперкубоги финали 15 январь оқшомида бўлиб ўтади.