"Анчелотти кетмаса, мен кетаман"

Агар бош мураббий Карло Анчелотти келаси мавсум ҳам жамоада қолса, Туркиялик ярим ҳимоячи Арда Гюлер Мадриднинг “Реал” клубини тарк этиши мумкин.

"Real Madrid Confidential" нашрининг маълумотига кўра, 20 ёшли футболчи бу фикрини клуб президенти Флорентино Перес билан бўлган суҳбатда билдирган. Гюлерни Анчелотти томонидан унга берилаётган ўйин амалиёти ҳажми қониқтирмаяпти.

Жорий мавсумда Арда “қаймоқранглилар” сафида 34 ўйинда майдонга тушди, бироқ у кўпинча захирадан ўйинларга қўшилмоқда. Туркиялик футболчи 3 та гол урди ва 6 та голли узатма амалга оширди. 

Унинг Мадрид клуби билан тузган амалдаги шартномаси 2029 йил ёзигача мўлжалланган.