Анчелотти: "Биз Винисиуснинг қизилига апелляция берамиз"

"Реал Мадрид" бош мураббийи Карло Анчелотти "Валенсия"га қарши баҳсдан сўнг матбуот анжуманида иштирок этди. Мутахассис оғир ўтган ўйин, Беллингем ва Винисиуснинг қизил карточкаси ҳақида ўз фикрлари билан ўртоқлашди.

“Биз Винисиуснинг қизил карточкасига албатта апелляция берамиз. Дарвозабон уни ғазаблантирди ва туртиб юборди. Шундан сўнг Жуниор унга жавоб қайтаришга мажбур бўлди. Назаримда, ушбу вазиятда бош ҳакам иккала футболчи учун сариқ карточка бериши керак эди, аммо қизил йўқ эди. 

Биринчи бўлимимиздан тўлиқ норозиман ва қандай қилиб бунчалик ёмон ўйнаганимизни тушунмаяпман. Иккинчи бўлимда эса ўзимизга келиб олдик ва муҳим голларни уриб, ғалабани қўлга киритдик.

Беллингем пеналтини уролмагандан сўнг қўшимча мотивацияга эга бўлди. Ушбу вазиятдан сўнг Жуд ўзини тезда тиклаб олиб, ғалаба голини киритди" - деди италиялик бош мураббий. 
 
Эслатиб ўтамиз, "қаймоқранглилар" "Месталья"даги муҳим ғалабадан сўнг турнир жадвалида "Атлетико Мадрид"ни ортда қолдирди. Ҳозирда "қироллик клуби" 19 та учрашувдан сўнг 13 та ғалаба 4 та дуранг ва 2 та мағлубиятга учраб, 43 очко жамғарди ва пешқадамга айланиб олди.