Ана холос! "Ювентус" Роналду сабаб яна бир молиявий фирибгарликда гумон қилиниши мумкин

"Ан-Наср" футболчиси Криштиану Роналду "Ювентус"да ўйнагани сабаб молиявий фирибгарликда айбланиши мумкин. Бу ҳақда "La Gazzetta dello Sport" нашри хабар берди. 

Манбага кўра, португалиялик футболчи бу борада гувоҳлик беришга тайёр. Бироқ аввал у Турин прокуратураси вакиллари билан учрашишдан бош тортган. Маълум бўлишича, "Ювентус" Роналдудан 19,6 миллион евро қарздор саналади. 

Агар айбловлар тўғри бўлиб чиқса, клубдан яна маълум миқдорда очко олиб ташланиши мумкин. Шунингдек, жамоага 58,8 миллион евро жарима тўлаш жазоси қўлланилиши ҳам эҳтимолдан йироқ эмас.