Ана холос: “Реал” ёзда “Барса” юлдузини олиб кетмоқчи
- 16-май 2025, 10:38
- Zohir Toshxo’jayev
- 0
- Футбол
“Барселона”нинг уругвайлик марказий ҳимоячиси Рональд Араухо ёзги трансферлар вақтида Каталонияни тарк этиши эҳтимоли ошиб бормоқда.
Айниқса, Европа Чемпионлар лигасининг ярим финал жавоб учрашувида Араухонинг иккита қўпол хатоси “Интер”нинг ғалабасига асос бўлганидан кейин “Барселона” етакчилари бош мураббий Ханс-Дитер Фликдан уругвайлик футболчини “Реал”га қарши ўйнатмасликни сўраган.
Бу ҳолат Араухонинг клубдаги келажагига таъсир қилади.
El Gol Digital нашрининг ёзишича, Рональд Араухони ашаддий рақиб – марказий ҳимоячига эҳтиёж сезаётган “Реал” олмоқчи. Гарчи бу ўта мураккаб жараён бўлса-да, экспертлар бу трансфер амалга ошиши мумкинлигини таъкидлашяпти.
Рональд Араухо жорий мавсум барча турнирларда 23 маротаба майдонга тушди ҳамда ҳимоядаги вазифаларини бажаришдан ташқари, иккидан гол ва ассист муаллифи бўлди.