Ана холос! Европа давлатлари ФИФА аъзолигидан чиқиб кетмоқчи

УЕФАга аъзо 10 дан ортиқ давлат ассоциациялари ФИФА томонидан жаҳон чемпионатини ҳар икки йилда бир марта ўтказиш режаси эълон қилинганидан сўнг ушбу ташкилот сафидан чиқиш ҳақида ўйлай бошлаган.

Таъкидлаш керакки, бундан аввалроқ ФИФА  миллий федерацияларга мундиални ҳар икки йилда бир марта ўтказиш  ҳақида ҳужжат тарқатган эди. Ушбу ўзгаришлар 2026 йилги жаҳон чемпионатидан кейин қабул қилиниши таклиф қилинмоқда.

Бунгача ФИФА раҳбари Жанни Инфантино ҳар икки йилда бир марта жаҳон чемпионатини ўтказиш ғоясининг асосий афзалликлари ҳақида тўхталиб ўтган эди. Унинг сўзларига кўра, 2026 йилдан бошлаб жаҳон чемпионати 48 давлат иштирокида ўтиши аллақачон ҳал қилинган масала бўлиб, жаҳон чемпионатини ҳар икки йилда ўтказиш масаласи эса ҳали муҳокама қилинмоқда.