Ана холос: Беллингем жамоани тарк этиши кутиляпти

“Реал” юлдузи Жуд Беллингемнинг укаси Жоб ёзда ўзи кўчиб ўтган Бундеслига гранди –  Дортмунднинг “Боруссия” клубини тарк этиши кутлмилмоқда.

Таниқли журналист Саша Тавольерининг маълум қилишича, 20 ёшли англиялик ярим ҳимоячи ўзига берилаётган ўйин вақтининг камлигидан норози бўлмоқда. Жоб дортмундликлар сафига кўчиб ўтганидан бери жамоа таркибида ҳали бирорта учрашувда тўлиқ ўйнагани йўқ.

Бундеслига, Германия кубоги ва Европа Чемпионлар лигасида жами тўққизта учрашувда тўп тепган футболчи ҳали ўзини кўрсата олмади.

Дортмундликлар истеъдодли футболчини олиш учун “ёзда “Сандерленд”га 30,5 миллион евро миқдорида бадал пули тўлаган эди. Марказий ярим ҳимоячи “Боруссия” билан беш йиллик шартномага имзо чеккан. Бироқ ўйин амалиётига эга бўлиш учун клубни тарк этишга қарор қилгани айтилмоқда.