"Ан-Наср" юлдузи Испанияга қайтмоқчи...

"Ан-Наср" клуби ҳимоячиси Эмерик Ляпорт фаолиятини Испания чемпионатида давом эттириши мумкин. "Todofichajes" нашрининг хабарига кўра, испаниялик футболчининг хизматларига Мадриднинг "Атлетико" жамоаси қизиқмоқда.

Томонлар аллақачон дастлабки музокараларни ўтказишган. "Матрасчилар" Ляпортни сотиб олиш банди билан ижарага олишни режалаштирмоқда. Эмерикнинг риёдликлар билан амалдаги шартномаси 2026 йилнинг ўрталарига қадар тузилган. 29 ёшли ҳимоячининг трансфер қиймати 25 миллион еврога баҳоланмоқда.

Саудия Арабистони чемпионатининг жорий мавсумида Ляпорт 18 та ўйинда майдонга тушиб, иккита гол ва битта голли узатмани амалга оширди.