"Ан-Наср" футболчиси: "Роналду келганидан кейин ўйинларда ғалаба қозонишимиз қийин бўляпти"

Саудия Арабистони чемпионати 16-туридан ўрин олган "Ал-Фотиҳ" - "Ан-Наср" учрашувида томонлар 2:2 ҳисобидаги дурангга имзо чекди.

Меҳмонлар ярим ҳимоячиси Луис Густаво ўйиндан кейин ўз фикрлари билан ўртоқлашди: "Барчаси кутилганидек, Криштиану келганидан сўнг ҳамма баҳсда ютиш анча қийин бўляпти, чунки рақиблар унга қарши 200 фоиз тайёргарлик кўради.

Афсонавий Роналду гол урганидан кейин босим ўз-ўзидан йўқолади",-дейди Густаво.

Маълумот учун, 37 ёшли ҳужумчи Саудия чемпионатидаги дастлабки тўпини пенальтидан киритди. Эътиборлиси, ушбу жарима зарбасини Жалолиддин Машарипов ишлаганди.