Аморимдан норози юлдуз Манчестердан кетмоқчи
- 28-август 2025, 08:35
- Zohir Toshxo’jayev
- 0
- Футбол
“Манчестер Юнайтед”га асосий дарвозабон сифатида 2023 йилнинг ёзида олиб келинган Андре Онана жорий мавсумга келиб, жамоадаги мавқеини йўқотди.
Рубен Аморим бошчилигидаги мураббийлар штаби 29 ёшли посбонни Ангдия Премьер-лигасининг иккинчи турида ҳам бошланғич таркибга киритмади.
Бу ҳолат камерунлик голкипернинг эътирозига сабаб бўлди. United in Focus нашри журналисти Грэм Бейлининг ёзишича, мураббий танлови “Юнайтед”нинг аксарият футболчиларини ҳайрон қолдирган.
Манбага кўра, бу муносабатдан норози бўлган Онана “Манчестер Юнайтед” сафини тарк этишга қарор қилган ва айни пайтда ўзига мос бошқа жамоа топишга ҳаракат қиляпти. Хусусан, тажрибали футболчи олдида “Вест Хэм” варианти бор.
Илгари “Барселона”, “Аякс” ва “Интер” сингари клубларда фаолият юритган тажрибали дарвозабоннинг манчестерликлар билан амалдаги шартномаси 2028 йилнинг ярмигача тузилган.