Алонсо Винисиуснинг “пўстагини қоқди”

АҚШ мезбонлик қилаётган клублар ўртасидаги жаҳон чемпионатининг биринчи турида “Реал” Саудия Арабистонининг “Ал-Ҳилол” жамоасини енголмади.

Учрашув 1:1 ҳисобида дуранг билан тугади ва бу натижа сенсация сифатида қабул қилинди.

Sport.es сайтининг маълум қилишича, “Реал”нинг янги бош мураббийи Хаби Алонсо бу беллашувдан кейин жамоа ҳужумчиси Винисиус Жуниорни суҳбатга чақириб, унинг камчиликларини айтиб берган.

Манбанинг таъкидлашича, испаниялик мутахассис бразилиялик футболчи бевосита ўзига тегишли бўлган вазифаларни бажармаётганига, хусусан, рақибга нисбатан прессингда қатнашмаётганига эътироф билдирган.

Бундан ташқари, Хаби Алонсо Винисиус Жуниорга энг аввало жамоавий ўйин кўрсатиши ва тўпсиз  ишлашдан ҳам қочмаслиги кераклигини уқтирган.

Янги бош мураббий индивидуал ҳаракатларни маъқул кўрадиган Винисиус Жуниорни жамоавий ўйинчига айлантиришга уринаётгани ва бунинг уддасидан чиқса, “Реал”нинг ўйин сифати ошиши мумкинлигига ишонаётгани айтиляпти.