Альфонсо Дэвис "Бавария"даги келажаги ҳақида гапирди

"Бавария" ҳимоячиси Альфонсо Дэвис немис клубидаги келажаги ҳақида гапирди.

“Мен бутун эътиборимни шу жамоага қаратганман. Мен “Бавария”да ўйнаяпман ва бор диққатимни шу нарсага қаратганман. Мен ҳар бир ўйинда ғалаба қозонишни истайман. Шунинг учун ҳозирча кетиш ҳақида ўйламаяпман. Клубда қолишим ёки уни тарк этишимдан қатъи назар, мен бу клубни доим юрагимда олиб юраман.

Шартномани узайтиришим мумкинми? Яхши савол, бу ҳақда менинг агентим билан гаплашишингиз керак. Ҳозир бор эътиборимни ҳар бир ўйинда ғалаба қозонишга қаратганман. Айни пайтда мен бошқа нарсалар ҳақида ўйламайман”, - деди Дэвиснинг Bild нашрига берган интервьюсида.

Альфонсо Дэвиснинг “Бавария” билан амалдаги шартномаси 2025 йилнинг ёзида ўз ниҳоясига етади. Бундан аввалроқ футболчига “Реал” жиддий қизиқиш билдираётгани ҳақида хабарлар тарқалган эди.