Александр Усикнинг кейинги рақиби ким бўлиши мумкин?

Оғир вазнда мутлақ жаҳон чемпиони Александр Усикнинг промоутери Александр Красюк британиялик Тайсон Фьюри билан реванш жангида ғалаба қозонган украиналик боксчининг келажаги ҳақида гапирди.

“Даниэль Дюбуа – чемпион. Агар мендан сўрасангиз, Усикнинг кейинги рақиби у бўлишини истардим” — деди Красюк You Tube даги "Fight Hub TV" каналига берган интервьюсида.

Эслатиб ўтамиз, Усик ва Фьюри ўртасидаги реваншда украиналик ҳакамларнинг якдил қарори (116-112, 116-112, 116-112) билан ғалаба қозонди.