Агар бу жамоада ўйнаганида Файзуллаев учун 15 эмас, 50 миллион евро беришарди!
- 5-декабр 2024, 17:03
- Zohir Toshxo’jayev
- 0
- Футбол
Аббосбек Файзуллаев Европа топ-лигаларида ўйнаётган Испаниянинг “Реал Сосьедад” ва Франциянинг “Монако” клубларидан жиддий қизиқиш бўлаётгани, бу жамоалар 21 ёшли ҳужумкор футболчимизни қишки трансферлар вақтида ўз сафига қўшиб олишни режалаштираётгани ҳақида маълумотлар тарқатилмоқда.
Россия оммавий ахборот воситалари мамлакатнинг таниқли футбол экспертларидан ЦСКА футболчисининг трансферига муносабат сўраб, интервью оляпти.
Sports.uz портали Россия терма жамоасининг собиқ футболчиси, айни пайтда таниқли эксперт ҳисобланган Игорь Коливановнинг Аббосбек Файзуллаев хусусида euro-football.ru манбасига берган интервьюсини ҳавола этади.
- Аббосбек Файзуллаевга “Монако” жиддий қизиқаётгани ҳақида маълумот тарқатилди. Бунга қандай қарайсиз?
- Аслида ЦСКАнинг захира ўриндиғи қисқа. Бу ҳолатда Аббосбек Файзуллаевни ҳам қўйиб юборишса нима бўлади? Агар ўзбек легионери кетса, демак ўрнига янги ўйинчи олиш талаб этилади.
- Агар Файзуллаев “Монако”га ўтса, бу тўғри қарор бўладими?
- Аббосга ўзини Европанинг кучли клубида синаб кўриш ёқса керак. Қолаверса, ЦСКА ҳозир ҳеч қандай нуфузли соврин учун курашаётгани йўқ. У “Монако” даражасига тўғри келадими? Бу борада Александр Головкин ўйнаб кета олдику. У ҳам айнан Файзуллаевнинг ёшида кетган эди.
Аббос Файзуллаев ҳам ўйнаб кета олади, деб ўйлайман. У тезкор, техникаси зўр, яхши даражадаги футболчи. Ўсиш учун кўрсаткичлари яхши.
- Оммавий ахборот воситаларида “Монако” Файзуллаев учун ЦСКАга 15 миллион евро таклиф қилишга тайёрлиги ҳақида ёзилди. Бу нарх ўйинчига мосми?
- Агар бизнинг чемпионатдан кетадиган бўлса, яхши нарх. Агар у “Милан”дан кетаётган бўлса, унда бу трансфер учун 50 миллион евро сўрашган бўларди.
- Солиштириш учун “Спартак” Угальдени 13 миллион еврога олди...
- Угальде ҳозир ўсяпти ва у ҳам Россия Премьер-лигасини тарк этиши мумкинлиги ҳақида ёзишяпти. Агар уҳам кетадиган бўлса, ўринбосар топиш осон бўлмайди. У жуда яхши ўсишга эришди, кўп гол уряпти ва ҳар йили 3 миллион еврога қимматлаяпти.
- “Монако”да Головин ўйнаяпти. Нима деб ўйлайсиз, унинг Файзуллаев трансферига алоқаси борми, клубдаги у билан маслаҳкатлашганми?
- Ҳар қандай ҳолатда ҳам, чемпионатимизга уларнинг скаутлари келганини таъкидлаш лозим. Головин билан ҳам бу борада суҳбатлашишган. Лекин у ЦСКАга ўйнаганида, Аббос ҳали бу жамоада эмасди. Шунинг учун ҳам, Александр Аббос ҳақида жуда кўп нарса билади, деб ўйламайман. Агар “армиячилар”ни мунтазам кузатиб бораётган бўлса, бу бошқа гап.
- Файзуллаевнинг кетиши ЦСКАга қандай таъсир қилади?
- Ҳар қандай яхши ўйинчининг кетиши исталган жамоага таъсир ўтказади. Аббос Файзуллаев ўзига ва жамоадошларига жуда кўп қулай вазиятлар яратаётган ўйинчилардан бири. Ҳозир у асосий таркибнинг муқим ва муҳим ўйинчиси. Унга муносиб ўринбосар йўқ. Файзуллаев чап ва ўнг қанотларда бирдек самарали ўйнай олади.
Эслатиб ўтамиз, Аббосбек Файзуллаев 2023 йилдан бери ЦСКА шарафини ҳимоя қилиб келмоқда. Бугунги кунда 21 ёшли легионеримиз Марказий Осиёнинг энг қимматбаҳо ўйинчиси ҳисобланади. Унинг трансфер суммаси 6 миллион еврога баҳоланган.
Файзуллаев Францияга борадими?
Файзуллаевга “Монако” қизиқаётганига муносабат билдирилди!