Афониннинг собиқ жамоаси банкротлик остонасида турибди

Россия премьер-лигасининг яна бир клуби пандемия туфайли жиддий молиявий инқирозга юз тутди.

Хабарларга қараганда, “Оренбург” раҳбарияти жамоанинг банкрот бўлишидан хавфсирамоқда. Гап шундаки, агар футболчилар маошларининг 30 фоизга қисқартирилишига рози бўлмаса, инқироздан қочиб-қутилиб бўлмайди. Афсуски, футболчилар раҳбариятнинг бу шартига кўнмаяпти.

“Оренбург” айни дамда РПЛ мусобақа жадвалида 13-ўринда бормоқда. Уларнинг хавфли зонадан бор йўғи 1 очко ажратиб турибди холос.

Эслатиб ўтиш лозимки, "Оренбург" сафида ҳамюртимиз Вадим Афонин узоқ йиллар тўп сурган эди.