Абрахам "Рома"дан кетиши мумкин

"Рома" футболчиси Тэмми Абрахам ёзда жамоани тарк этиши мумкин. Бу ҳақда "La Repubblica" нашри хабар берди. 

Абрахамга АПЛнинг икки гранд клуби қизиқиш билдирмоқда. "Арсенал" ва "Манчестер Юнайтед" мавсум якунлангач, уни қўлга киритишга уриниб кўради. 

Ҳозирча Тэммининг "Рома"даги келажаги мавҳумлигича қолмоқда. У катта эҳтимол билан Англияга қайтишни истайди. 

Маълумот ўрнида, англиялик ҳужумчи жорий мавсум 21 та ўйинда 4 та гол уришга муваффақ бўлди.