Абрамовнинг истеъфоси, Одилнинг ҳимояга нега қўйилгани, Исмоилов ва Кримец термага чақирилмагани, Аҳмедов фаолиятини якунлагани ва бошқа мавзуларга бағишланган анжуман

Яна бир неча дақиқалардан сўнг Миллий олимпия қўмитасида Ўзбекистон футбол ассоциациясининг навбатдан ташқари конгресси бошланади. Анжуман Миллий олимпия қўмитасида бўлиб ўтади.

Айни пайтда анжуман қатнашчилари ва ОАВ ўз жойларини эгаллашмоқда...

* Бугунги Конгресда журналистлар қатнашмоқда. Аммо улар кузатувчи сифатида қатнашади.

* Ўзбекистон миллий терма жамоаси бош мураббийи Вадим Абрамов ва жамоа сардори Одил Аҳмедов анжуманда иштирок этиш учун етиб келди.

* Конгресни очиб бериш учун сўз ЎФА раҳбари Абдусалом Азизовга берилди. Абдусалом Азизов очиқлик сиёсати борасида фикр билдирди. Ундан ташқари ЎФАнинг янги устави ҳақида гапирмоқда. Ундан ташқари бугунги конгрес ҳақида маълумот бермоқда.

* ЎФА котиби Аваз Максумов конгресда хорижий мутахассислар иштирок этаётганини маълум қилди. Қолверса, айрим кузатувчилар онлайн тарзда иштирок этмоқда.

* Конгресс кун тартибини тасдиқлашга ўтилмоқда. 

* Конгрес кун тартибидаги масалар кўриб чиқилди ва конгрес якунланди.

Энди навбат Ўзбекистон миллий терма жамоаси фаолиятига бағишланган анжумани бошланди.

Унда дастлаб ЎФА биринчи вице-президенти Равшан Эрматов сўзга чиқди. Эрматов шу пайтга қилинган ишлар юзасидан ҳисобот бермоқда.

* Сўз Ўзбекистон миллий терма жамоаси бош мураббийи Вадим Абрамовга берилди. Карленович терма жамоани қўлга олган пайтдан то шу кунгача қилган ишлари тўғрисида маълум беряпти.

- Одил Аҳмедов нега ҳимояда ўйнади. Футболчиларнинг ўзи хоҳлади. Азиз Ҳайдаров ҳам келиб шундай деди. Биз бир жамоамиз ва буни қабул қилдим.

- Албатта, Саудиядаги марказлашган ҳолда ташкил этилган саралаш баҳсларига яхши тайёрлангандик. Ғалабалар қозондик. Аммо мезбонларга имкониятни бой бердик. Мағлубиятда мураббийлар штаби айбдор ва бунинг учун яна бир бор футбол жамоатчилиги ва мухлислардан узр сўрайман.

- Терма жамоага Анзур Исмоиловни чақиргандим. Аммо у кела олмаслигини айтди. Билмадим, нега йўқ деди. Қандайдир муаммо бордир. Кримецни олдинлари йиғинга чақирардик. Бироқ у жароҳат олди. Қолаверса, Кримец охирги пайтларда "Пахтакор"да ҳам ўйнамаяпти, - деди Вадим Абрамов.

* Терма жамоалар бўлими бошлиғи Азиз Ҳайдаровга сўз берилди. У ҳам ЎФАдаги фаолиятига эътибор қаратмоқда.   

- Вадим Абрамов ва меннинг фикримиз ҳар хил бўлгани? Бу тўғри жараён. Бу иш пайти бўлиб туради. Мен тактика борасида ўз фикримни билдирдим. У эса ўз қарашларини. Якунда мураббий қарор қилади. Буни тўғри тушуниш керак. Лекин мен шуни билдимки биз тактика борасида хато қилдик.

- Вадим Абрамов нимани хоҳлаган бўлса шуни қилиб бердик. Қачон деса йиғинларга шараит яратдик. Кўпчилик Вадим Абрамов охирги учрашувда таркибда эксперимент қилди, деяётганларга шуни айтишим мумкинки агар ғалаба қозонганимизда бундай фикр билдирилмасди. Бу футбол ўйинда ғалаба ва мағлубиятлар учраб туради.

- Терма жамоани мураббийи ким бўлади? Буни билмайман. Лекин у фақат терма жамоада ишлаган мураббий бўлишини истайман. Фақат эътибори терма жамоага қаратилишини хоҳлайман. Маҳаллий мураббийлар орасида Рўзиқул Бердиев ва Тимур Кападзени кўряпман. Чунки улар эплаб кета олади. Бердиев "Насаф"да қандай ишлашини барча кўрмоқда. У футболчиларни қандай шуғуллантиришни билади. Кападзе ҳам "Олимпик"да нималар қилаётганини кўряпмиз. Шунинг учун терма жамоани чуқур кўникмага эга мураббий бошқариши керак деб ўйлайман, - деди Азиз Ҳайдаров.

Одил Аҳмедов сўзга чиқди.

- Шуни айтишим керакки, футболни алдаб бўлмайди. Бугун ўзгаришни бошламасак, ҳар тўрт йилда шундай кечирим сўрайверамиз. Футболчи бўладими ёки мураббийми, шу соҳасида ишлайдиганми, футбол манфаатини биринчи ўринга қўймас экан ҳеч қандай натижага эришиб бўлмайди. Мана шундай майда деталлари жуда кўп. Асосий катта муаммоларимиздан бири - болалар футболини тўғри йўлга қўймаганимизда. Фундамент йўқ экан, натижани ўйламасак ҳам бўлади, - деди Аҳмедов.

Аҳмедов структура борасида ўзи ўйнаган Россия ва Хитойдан ортда эканлигини айтди. Шунингдек, Аҳмедов терма жамоадаги фаолиятини якунлаганини маълум қилди!

Якуний сўз яна ЎФА раҳбари Абдусалом Азизовга берилди. У кўплаб муаммолар ва камчиликларга эътибор қаратди.

- Терма жамоа бош мураббийи агент бўлиши мумкин эмас. Бундай бўлганидан кейин табиийки, у ўз футболчиларини ўйнатади. Бунга йўл қўйиб бўлмайди, - деди ЎФА раҳбари.

Шунингдек, Абдусалом Азизов Ўзбекистон миллий терма жамоаси 3-саралаш босқичига ўта олмагани учун бош мураббий Вадим Абрамов билан шартнома бекор қилиндиганини билдирди. 

- Янги мураббий масаласи бир кунлик иш эмас. Буни ўйлаб, маслаҳаташиб кўрилиш лозим. Балки маҳаллий мураббийларнинг ҳам номзодларини ўрганамиз. Европалик мураббийларни кўришимиз керак. Ҳар хил баҳоналар бўлмаслиги учун. 1 - 1.5 ойда қайси мураббий терма жамоани қўлга олиши борасида эълон қилинади, - деди ЎФА раҳбари. 

Шунинг билан терма жамоага бағишланган анжуман якуналанди.