Абрамов: Муаммолар йўқ эмас

Терма жамоамиз бош мураббийи Вадим Абрамов Эрон ҳамда БАА термаларига қарши ўтказилиши режалаштирилган ўртоқлик ўйинлари олдидан ўз фикр-мулоҳазалари билан ўртоқлашди:

"Муаммолар йўқ эмас. Искандеровни клуби қўйиб юбормади. Албатта, Кореяда ўрнатилган қатъий карантин қоидалари сабабли, усиз ўйин ўтказамиз. Шунингдек, бизга яна икки нафар футболчимиз ёрдам бера олмайди. Бироқ қолган футболчилар шу ерда ва энди улар кўпроқ ҳаракат қилишлари зарур.

Жамоа кимгадир боғланиб қолган, деб ўйламайман. Барчаси майдонда ҳал бўлади. Шогирдларимда реванш кайфияти бор. Терма жамоа ўйин ўтказганида, сўзсиз, натижа муҳим роль ўйнайди. Аммо олдимизда турган муҳим учрашувлар учун футболчиларнинг ҳозирги ҳолатини билиб олишим керак".