А Сериянинг энг зўр футболчиси учун курашга "Челси" қўшилди

"Челси" "Комо" ҳужумкор ярим ҳимоячиси Нико Пас трансфери учун курашда "Реал"ни ортда қолдиришга ҳаракат қилиши кутилмоқда. Бу ҳақда Caught Offside хабар берди.

Манбага кўра, аргентиналик футболчи "қаймоқранглилар" сафига қайтиши эҳтимоли юқори, чунки уларда футболчини қайтариб сотиб олиш имконияти бор. Аммо Паснинг ўзи "қироллик клуби"га қайтмасликка қарор қилса, "Челси"да имконият пайдо бўлади.

"Комо" Испания грандни сотиб олиш бандини олиб ташлаш учун Пас билан янги шартнома бўйича келишиб олмоқчи. Клуб ўшанда 21 ёшли футболчини 80 млн еврога сотиши мумкинлигига ишонмоқда.

Пас 2020 йилдан бери "Реал" тизимида эди. 2024 йилнинг ёзида "қаймоқранглилар" ярим ҳимоячини "Комо"га сотди. Футболчининг клуб билан амалдаги меҳнат шартномаси 2028 йилнинг ёзига қадар мўлжалланган. Трансфермаркт порталида келтирилган маълумотларга кўра, футболчининг бозор нархи 35 млн еврони ташкил этади.